Ka India Meteorological Department (IMD), Shillong Centre da pyntip ko wa u slap wa joor wa uwa joor bha daw hiar u hadooh ka 19 tarik uni u bnai hapoh ka jylla Meghalaya.
Ynne ka 18 tarik da pynbna da ka Red Alert ya u slap wa daw joor bha ha ki bynta ka East Khasi wa South West Khasi Hills neitæ ka Orange Alert neibynta ka West Khasi Hills, Eastern West Khasi Hills, East Jaiñtia Hills, West Jaiñtia Hills wa South Garo Hills District.
Daw emlang leh ka la’ær wa joor 20-40 Kmph ha East Khasi Hills, West Khasi Hills, South West Khasi Hills, Eastern West Khasi Hills, East Jaiñtia Hills, West Jaiñtia Hills, Ri-Bhoi, East Garo Hills, South Garo Hills wa West Garo Hills District.
Ha ka 19 tarik won da pynbna kam ka Orange Alert wa ye u slap wa joor hadooh uwa joor bha u hiar ha East Khasi Hills, South West Khasi Hills, East Jaiñtia Hills, West Jaiñtia Hills wa South Garo Hills District.
Kiwa rap duna u slap toh ha West Khasi Hills, Eastern West Khasi Hills, Ri-Bhoi, East Garo Hills wa West Garo Hills District.
Da pyntip leh ye wow em i chlai um ha kiwa boon ki thaw ka East Khasi Hills neitæ ha ki kattu katni ki thaw ka South West Khasi Hills, West Khasi Hills, West Jaiñtia Hills wa East Jaiñtia Hills.
Nadooh ka 20 tarik daw duna u slap heiwa da pynbna da ka Yellow Alert ha waroh kawi ka jylla tangwa u slap daw pteiñ hi u wow hiar.
Discussion about this post