U Montri Rangbah ka jylla, u Conrad K Sangma da khana u wa ya ka bui (Report) wa da ekti da u Retd. Justice T. Vaiphei hajrong i chah siat yap uwa yahkhmat warim ka HNLC, u Cherish Starfield Thangkhiew daw puræ bniah chwa da ka chnat Political yong ka sorkar.
Da ong u wa hadooh katni ym pu yoh u wow pait iyi chem kani ka takit wei ym pu ye u wow ong iyi iyi leh.
Kani ka takit toh kawa da sdang nadooh u Naisaphra 2021 wa da leh da ka Commission of Inquiry kawa em du uwi u bru utæ u Justice Vaiphei, wei dawan hakhmat yong ka da ki heh pulit, kiwa hayung u Thangkhiew wei neiliang u Justice Vaiphei da lai u leh cha i yung wa jia ini.
Kam wow pynkynmoo wa u Justice Vaiphei hawa ekti u ya kani ka bui cha u Montri Rangbah ynnin ka sngi da pynsñiaw u yei sñiawhun yei ya krehlang waroh hawa pynman ya ka takit.
