Jowai: U Jamil Ahmed uwa man kam u State President ka Lok Janshakti Party da pyntip u wa hadien waka Party da thoh ko cha ka Ministry of Health and Family Welfare, Government of India wa i pynbna kaam wa lait 301 ngut ki Nurse ha NEIGRIHMS, Shillong man i iwa duna bha, neiliang ka Ministry of Health and Family Welfare da jubab ko deiwa ong wa ki 301 ngut ki kaam wa da pynbna man ko kam ka Phase 1 wei haka Phase 2 wa ka Phase 3 daw pynban mar 151 tylli ki kaam wow lait.
Da pyntip leh wa kani ka thaw sumaar bood ko ya ka Model Roster of Reservation heiyatoh wa i rukom yaleh kreh kawa daw jied hadien wa pynman ya ka All India Open Competition wei ya i bhah yong ki SC, ST, OBC, EWS wa UR daw bood katkam ki kyndon ka Model Roster.
Kiwa da biang ka puræ puthi napoh Meghalaya heiyatoh wa kini kaam wa lait ye ki u yaleh hadien wa pynmih ya ki Advertisement lyngba kot khubor lyngba ka DAVP wei daw booh leh haka website kani ka thaw puræ.
Also Read: Kyntu ka LJP ya ka sorkar pyrdi wow thung da ki tre jylla kam ki nurse ha NEIGRIHMS
Discussion about this post