U Symbood Montri Rangbah ka jylla, u Prestone Tynsong uwa pait leh ya ka chnat Home (Police) da pyntip u wa ka sorkar Meghalaya da paan ko yei tyrwa na u Director General of Police (DGP), u Dr. LR Bishnoi yow chna noh da ka Commissionerate of Police ha Shillong.
Deiwa em kani daw ye u thung ya u Commissioner of Police ha Shillong yow ye leh u thung kreh ya ki pulit wow kreh hapoh kani ka Commissionerate yow pynkhlan yei krehkaam ki pulit ha nongbah Shillong neibhah katni em ko du u SP City i wym pu biang wow pait ya ki kaam pyrchah wa joor hapoh sor.
Da ong u leh wa ka sorkar jylla emkaam ko leh wow thung kreh sa 2500 ngut ki pulit wei yeini da jan dep wow pynkhreh yeiwa emkaam tangwa em i thut heiyatoh wa ki kyndon (Rules) ka Recruitment Board wei daw hap rah yeini hapoh ka Cabinet yow ye u pynkylla ya kini ki kyndon.
Da pyntip u leh wa mar ya ye u pynbait yeini daw pynbna paidbah noh wa lait kreh.
Discussion about this post