Ka sorkar Meghalaya lyngba ka Personnel & AR (A) Department da pyntip ko wa da chem wa em kiwa kreh sorkar kiwa lai chibynta ha ki yalang paidbah wa da pynman da ki Political Party iwa man pyrchah ya ka kyndon aiñ hapoh ka Rule 20 (1) ka Meghalaya Services (Conduct) Rules, 2019.
Kani ka kyndon da ong ko wym chah ya kiwon kiwon kiwa kreh sorkar wow man ki kam ki dkhot ki Political Party lane kiwon kiwon ki seiñ kiwa emyatoh wa ki Political Party, lane kiwon kiwon ki seiñ kiwa chimbynta ha ki kaam Politics wot hadooh wow yarap ha iwon iwon i kaam yakhih Politics.
Kamtæ da ban joor ha waroh kiwa kreh sorkar wow bood ki ya kani ka kyndon aiñ wei wym toh u chimbynta ha kiwon kiwon ki kaam wa man pyrchah sorkar wei lada em kiwa leh pyrchah daw chah pynchitom katkam wa da kdaw ha ka Rule 20 ka Meghalaya Services (Conduct) Rules, 2019.
Da phah leh ya waroh ki heh ki chnat sorkar wa ki khlieh District wow pyntip ki cha waroh kiwa em hapoh yong ki hajrong ini.
