July 23, 2019

Daw pynchitom ya kiwa yang khloo kiwa ym wan kreh wa chim du ka tulop, ong u EM ka KHADC

Shillong: U EM wa pait ya ka chnat khloo ka Khasi Hills Autonomous District Council (KHADC) u Victor Ranee da ong wa ym maap wei u pynchitom ya ki wakreh wa yang khloo næ ki Forest Guard kiwa khlem kreh hok yei kaam.

Hawa jubab ya i kylli wa wanrah u MDC ka Mylliem u Ronnie V Lyngdoh ha yung dorbar ynne ka sngi, u Victor da ong u wa da yoh yutip wa em ki wakreh ka chnat khloo kiwa chim du ya ka tulop mar ya kut bnai khlem lai kreh wei kam u EM daw chim khia wow leh da iwa eh.

Ha i jooh i por, da pyntip u wa ka Council da pynkrehkaam ko ya ka Working Plan nadooh u 2005-2010 ha ka thaaiñ West Khasi Hills neibynta wow pynyirngam biang ya ki khloo kiwa da chah pynjæd wei kani ka kaam dang lai ko cha khmat.

Chwa ya ini, u MDC ka Congress u Ronnie Lyngdoh da pynsñiaw u yei pyrchah ya i chna ya ka Resort da ka Hima Mylliem ha Upper Shillong kawa man ka thaw kawa ym toh wa e ki paidbah ka sor wa kiwa boon ki chnong.