September 2, 2020

Daw pyndep ka Seiñraij Mynso ya ka lehniam Behkymphui 2020 ha ryngkat ki kyndon

by Wyrta Staff

Advertisement ad1

Man-u-snem ka Seiñraij Mynso da pyndep ko ya ka lehniam Behkymphui ha uni u bnai, wei ha uni u snem leh daw pyndep ko ya ka lehniam deiwa bood ya ki kyndon yong ka sorkar.

Neiliang ka Seiñraij Mynso hadien wa da yoh bor ko na ka sorkar, u pynlai bait ko ya ka lehniam nadooh ka 17-09-20 hadooh ka 21-09-20 dei wow bood ryntih ya ki kyndon katkam wa hukum ka sorkar yow yada na u COVID-19.

Ka Seiñraij Mynso man ko kawa da pynkhreh wow bood ya ki kyndon neibynta u pyndep ya ka lehniam.

Kamtæ ha ini i por, ka Seiñraij Mynsoo da pyntip paidbah ko wa kiwa ye u chim bynta ha katai ka lehniam toh du kitu ki bru wa da jied da ka Seiñraij Mynso wei da kyntu leh ya waroh wow krehlang khnang wow ye u pynlai bait ya ka katkam ka hukum sorkar.

Chooh chooh ka Seiñraij Mynso kwah ko pynsñiaw cha waroh ki khon ka Raij kiwa em hapoh ka Elaka Mynso kamjooh ki lok ki jor wa hanla yaka lehniam ym ye de u pynman kam wa jooh, tangwa ka Seinraij booh lang ko ya ki ha i ngooh i dem neibynta waroh nadooh i chait i khiah, i man khih man khan wei wow yada na i kjut ha kam ini i por wa em kani ka khlam COVID-19.

Ha i jooh i por da pyntip paidbah wa da khang pyrchah ya kiwon kiwon ki bru næ ki kari wa na baar wow psiah chapoh ka chong Mynso nadooh i miet ka 16-09-20 hadooh i miet ka 21-09-20 khlem da yoh bor næ tip ka Seiñraij Mynso.

Kani man ko katkam ka Wyrta na ka Seiñraij Mynso.