Kam ka dak wow lehwarom yei dap 75 snem i laitlooid ka ri India, neiliang kiwa kitkaam ka Akhil Bharatiya Vidyarthi Parishad (ABVP) Meghalaya da pynkhreh ki u wow pynhær ya ka lama ka ri ha ki 175 tylli ki chnong ki thaw ha Ri-loom Jaiñtia, Khasi wa Garo ka jylla Meghalaya.
Kam wow kdaw heini, ha kylleiñ ka ri India ka ABVP da pynkhreh ko wow lehwarom ya ka Sngi Laitlooid ha ki 1.28 lak tylli ki bynta ka ri India, kamtæ ka ABVP Meghalaya leh lyngba kiwa kitkaam yong ka da booh thong ko wow saam hadooh 5,000 tylli ki lama ka ri cha kiwa chong chnong ka Meghalaya.
Ka seiñ da pynkhreh ko leh ya ki program neibynta uni u snem 2021-2022 kam ka lai paidbah namo ka Tiranga March, ki Social Media Campaign, ka Internship wei wow pynmih leh ya ki Short Film heiyatoh wa ki Khlawait yong ka ri.
Kani toh katkam ka ka Wyrta na ka State Secretary ka seiñ, ka Nibiang Sumer kawa da pynlait leh ya ki Poster 75th Independence Day wei da kyrpaad ko leh ya ki khynroo khyllood ka jylla waroh kawi wow chimbynta lang ki ha kani ka sngi.
Da pyntip ko leh wa na ki 175 tylli ki thaw wa daw pynhær ya ka lama hapoh jylla, 50 tylli ki thaw toh kiwa em hapoh Ri-loom Jaiñtia.
