theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

E por ka JAC ka Ri-loom Jaiñtia chi tayaw wow pynbait noh ya i kaam noh-jhep ha Jowai

Advertisement ad1

Hadien wa mih i awri awra hajrong i noh-jhep kulmar, wei ki yaw ki haat da sma da tung ki da ki jhep, ynne ka sngi neiliang ka Joint Action Committee (JAC) ka Ri-loom Jaintia da lai yachem ko wa u Deputy Commissioner ka West Jaiñtia Hills District wow pynkynmoo hajrong ini i kaam.

Neiliang ka JAC da ong ko wa ini i yachem da man i iwa sepai neibhah wa khlem mih iwon iwon i soh i sla neibhah ki bor sorkar nadooh ka Jowai Municipal Board, ka District Council, ka District Administration kamjooh leh kiwa mihkhmat kiwa man ki MLA wymye ki wow pynbait ya ini i kaam.

Ka JAC da ong ko wa ini i kaam da wanrah i ya i eh i khoo ya ki paidbah wei toh i kaamram ka sorkar wow pynbait wut-wut khnang wow lait u mih iwon iwon i awri awra.

Hajrong ini waroh neiliang ka Committee da e por ko chi tayaw ya ki bor sorkar kiwa toh wow pait ya ini i kaam nadooh ka Jowai Municipal Board, ka JHADC wa ki bor District wa kiwa mihkhmat wow pynbait noh ya ini lym kamtæ ka JAC daw leh noh ko yeiwa emkaam hajrong ini.

Share this:
Previous

Mar T. 5 lak u yoh ki 100 tylli ki chnong kiwa smat wow e tika 100%

Next

Daw pynhær lama ka ABVP ha ki 50 tylli ki thaw ha Ri-loom Jaiñtia