Jowai: Ka CoHSO ynne ka sngi da ekhublei ko ya waroh ki paidbah ka Ri-Loom Khasi-Jaiñtia kiwa da kyrchaan ya ka yakhih wow sangeh u lai kari ha ki sarok ynnin i miet nadooh 7:00 waje janmiet hadooh 5:00 waje i step.
Da ong ko wa ini pynyoo i wa waroh yatylli ki wow pyrchah ya i thmu ka sorkar pyrdi wow pynman aiñ ya ka Citizenship Amendment Bill 2016 (CAB) kawa man ka aiñ khlam ka wow baam dooh ya ka jaitbru Ynñiawtrep.
Chooh chooh da ong ko wa i yakhih ympu kut i wei daw pynjoor chooh yei yakhih ha ki sngi wow wan pyrchah ya ka Sorkar India neibhah wa ya kani ka Bill daw wanrah biang ha ka Rajya Sabha ka wow man ha u Thohlakhmi (February) yong uni u snem.
Da beiñ ko leh ya ki bru wa chim kabu wow pakhot moo ya ki kari kiwa pathai khubor wa ki bru samen ha ki kynta yong kani ka yakhih.
Kani toh katkam ka khubor neibynta ka CoHSO wa da phah da u Lamphrang kharbani uwa man u President ka HANM.
Discussion about this post