Shillong: Ka sorkar jylla da ngam yillu bha ko hei yatoh wa pynmih khubor ka HNLC wa ong ko daw yarap ko ya ka KSU hei yakhih yong ka wow pyrchah ya ki luti rel hadooh wow e tiar pynpdung, neiliang won u Dr. Mukul Sangma da ong u wa da phah ya ka tnat pulit wow thooh tre yeini i kam ka HNLC kamjooh yei em yatoh ka KSU wa ka HNLC.
Da ong chooh chooh u Dr. Mukul hei yatoh wa ka Entry Exit Point ym yahaap ko wa ka luti rel neibhah wa ka Entry Exit Point toh wow pait yei psiah i mih ki kari walai na sarok katwa ya ki rel won emkaam da kiwi tawon ki laad.
Da ong chooh chooh u wa katkam ka State Security Commission (SSC) ka jylla ynne ka sngi da yaklam ki hajrong i chongsuk chongsaiñ ka jylla.
U Montri Rangbah ka jylla uwa man leh kam u Chongknor ka SSC da klam chooh chooh ki hei yatoh wow pynkhlan ya ka tnat pulit yow pyntikna wa ki damok u tieñ ki ya ka aiñ.
Hajrong wow pynkhlan ya ka aiñ ka SSC da yaklam ko wow pynsmat yei takit yow pynchitom ya ki damok wa emkti wow pyrchah ya ka luti rel.
Also Read: Maham e tiar pynpdung ka HNLC ya ki seiñbhalang lada ym mano ka sorkar
Discussion about this post