Jowai: Ka sorkar pyrdi da rai ko wow pynemkaam da ka Universal Smart Card Driving License neibynta ka ri waroh kawi ri iwa mut wa waroh ki License wow yah kari u bood ki du kawi donhi i rukom chna ya ki License.
U Union Minister ka Road Transport and Highways, u Nitin J Gadkari hawa e u yei jubab haka Rajya Sabha ynne ka sngi iwa phah u deiwa thoh dei thoh. U Gadkari da ong u wa ka Ministry da phah ko wow em ka “Common Standard Format” heiwa i rukom pynwan dur (Design) ya ki Driving Licence hapoh ka ri u man ko kawi donhi nadooh ki jait dak (Font) wa pynemkaam wa kiwi kiwi.
Katkam wa man kattæ ka Ministry da em ko yaka SARATHI kawa em lut ya waroh ki pyrtuid kiwa em License hapoh ka ri.
Ka Ministry leh haka 01-03-19 da rai ko wow pynkylla ya i rukom man ki License yow man ki kam ki Laminated Card khlem em u Chip namo ka Smart Card Driving License.
Discussion about this post