Jowai: U Union Home Minister u Amit Shah da ong u wa daw wanrah yaka NRC ha waroh kawi ka ri India wei waroh ki baar ri kiwa em hapoh ka ri pyrchah yaka aiñ daw beh noh ki katkam ka aiñ.
Da ong u leh wa ka ri waroh kawi da mynjur ko deiwa e ki yei jop ha kani ka Election MP uni u snem.
“I da kular i ya ki paidbah ka ri haka Election Manifesto wa ym du haka Assam wei daw wanrah leh yaka NRC ha waroh kawi ka ri wei ya kiwa em hapoh ka ri pyrchah yaka aiñ daw leh ya ki katkam ka aiñ,” da ong u Shah.
Da pynche u leh waka NRC mut ko National Register of Citizens ym toh ka National Register of Assam, kamtæ hap pynkrehkaam yaka hapoh ka ri yow em du ki pyrtuid ki tre ri.
“Nga ngait O wa ki paidbah ha uni u snem 2019 da pynsñiaw ki yeini i jooh wei nga leh da klam O chaphang ini ha waroh ki por lai yalap Election wow pynkrehkaam yaka NRC.”
Heiyatoh won wa kitu kiwa ym em mih pyrtuid haka NRC ka Assam, da ong u wa ka sorkar daw e laad ko ya ki wow yasaaid ki hapoh ki Foreigner’s Tribunal wei ka sorkar ka Assam leh u pynbiang ko ya ki muktiar ya kitu wym em poisa wow booh muktiar.
Da ong chooh chooh u wa lada lai phi cha kawon kawon ka ri nadooh cha England, Netherland, Russia ym em wow chah wow chong wow sah wei kammon wow yooluti wow yoh u leh yeini hapoh India.
Ya ini da ong u haka yalang wa pynman daka HT Media Group ha Ranchi ha kani ka tayaw.
Kam wow pynkynmoo wa yaka NRC ka Assam da pynmih ha ka 31-08-19 wei da chah kyntait palat 19 lak ngut ki bru.
Discussion about this post