Shillong: U Montri wa pait ya ka chnat Border Area Development ka jylla, u Lahkmen Rymbui da pyntip u ynne ka sngi wa ka chnat daw pynlait noh ko ya ka Inter State Border Area Development Programme (ISBADP) neibynta ki kaam pynroi ha ki chnong khappood.
Yeini, u Lahkmen da jubab u yeiwa kylli u MLA ka Congress, u Mayralborn Syiem ynne ka sngi, u Rymbui da ong u wa i pynlait ya ka Scheme chong i hei em poisa ka chnat deiwa ong leh wa neibynta u snem 2019-2020 ympu em u pynlait ya ka poisa.
Da pyntip u leh wa i mang poisa nadooh wa thmu wow em ka Inter State Border Area Development Programme (ISBADP) toh T. 39.55 klur, wei kani ka poisa ki chnat waphær waphær daw pynkreh ki ya ki kaam ha ki chnong khappood.
Heiyatoh wa ki chnong kiwa ympu kynthup wow yoh myntoi na kani ka Scheme, u Rymbui da ong u wa ka chnat daw chim yuykheiñ bniah ko ya ki lada em hok ki wow yoh myntoi na ka katkam ki kyndon wa da booh wei daw bichaar leh lada emkaam wow thung noh da u Border Area Development Officer ha Ri-Bhoi District.