November 12, 2020
Shillong: U Prestonr Tynsong uwa kam u Symbood Montri Rangbah ka jylla uwa man leh u montri ka chnat PWD (Roads) u da ong u wa i chna pynwandur ya ka Barik Point toh dang i thmu donhi, deiwa ong leh wa hajrong ini neiliang ka sorkar dang yaklam ko wa ki seiñ waphær waphær.
Ya ini, u Prestone da jubab u yeiwa kylli ka MLA na East Shillong, ka Dr. M Ampareen Lyngdoh.
Da pyntip u leh wa neiliang ka chnat Urban Affairs, da khut ko yei yakob wow pynwandur wow chna ya ka Barik, heiwa ki 5 tylli ki seiñ da chim ki jar jiar ki bynta weiwa da jied ya kawi ka seiñ hajrong ini.
Hawa jubab yeiwa kylli pynrap u MLA ka Congress na Nongthymmai, u Charles Pyngrope, da kylli u wa hajrong ini i pynwandur lada em i thmu wow booh ya ka Shopping Mall wei u Tynsong da ong u wa ympu kynthup iwon iwon heini wei daw bichaar bniah yeijooh.
