Heiyatoh wa i pynlait ya ki chalan mooyong wow dai lilam noh da ka Coal India Limited iwa da dawa bha leh da ki tre truck yow kit ya u mooyong, hawa e yei jubab yeini, u Montri Rangbah ka jylla, u Conrad Sangma ynne da pyntip u wa yeini da hap wow leh thij katkam ki kyndon wa da booh da ka Supreme Court.
Da ong u leh wa da hap wow leh katkam ka aiñ wei hawa pynlait ya ki chalan ka Coal India Limited hap leh wow bood katkam ki hukum ka Supreme Court kiwa rynkhiñ bha ki kyndon.
Kamtæ da ong u wa katkam wa chah ki kyndon u pynlait smat katwa ye.
Ya ini da ong u Conrad hawa kylli na oo heipor wa wan u ha Namdong.
