U Under Secretary ka sorkar Meghalaya yong ka chnat General Administration Department (B) da pyntip u wa kamwa da leh ynnin u snem, ka ‘Har Ghar Tiranga’ Campaign u pynman biang ha uni u snem leh yow pynchlur lehkmen ya ka sngi yoh laitlooid ka ri India deiwa chongchit kamwa da leh ynnin u snem wei ha uni u snem u chah u pynhær ya ki lama ka ri ha ki yung ki sem nadooh ka 13 hadooh ka 15 tarik uni u Naisaphra, 2023.
U Under Secretary da pynchlur u leh ya ki paidbah wow booh ki yei Selfie deilang waka lama le rong ka ri ha ka Website www.harghartiranga.com.
Kam wow pynkynmoo wa ka ‘Har Ghar Tiranga’ Campaign kawa da pynman hapoh ka ‘Azadi Ka Amrit Mahotsav’ namo i mynsien lehkmen yei man laitlooid toh i thong wa da sdang da ka sorkar India nadooh ka 13 hadooh ka 15 tarik u Naisaphra ynnin u snem 2022 yow pynchlur ya kiwa chong chnong wow pynhær ya ka lama ha ki yung ki sem yong ki.
I thmu toh yow wanrah yei mynsien maya ri ha u nood u klong ki bru wei yow kynmoo leh yei lai luti ka India yow yoh yei laitlooid kamjooh ya kitu kiwa da yaleh yow pynyoh ya ka ri yong i hi.
Discussion about this post