Ka Hynniewtrep Achik National Movement (HANM) East Jaiñtia Hills District daw pynman ko yaka lai Rally haka 22 tarik uni u bnai heipor 11:00 waje i step ha East Jaiñtia Hills kawa daw sdang nadooh ka yung krehkaam ka seiñ kawa em ha Dkhiah wei daw pynkut ha pchem ka yung krehkaam u DC, Khliehriat kam i dak wow pynyoo yei pyrchah yei chah tynyap ka Ebamon Siangshai kawa naka chnong Pamrakmai.
Ka seiñ da ong ko wa sñiawkhia ko hadooh kattæ kattæ ya kam ini i jia wei na ini i daw da pynman ya kani ka Rally kam chibynta wow pyrchah wow beiñ yaki damok kiwa nood wow chim yei mynsien yong katai ka khynnah skur iwa sñiawsih wow tip wa hadooh katni ki pulit ym pu yoh kem ki ya kitai ki bru kiwa leh yei kaam sang pyrchah yaka imlang sahlang kamtæ neiliang ka seiñ da khut da wer ko ya waroh ki seiñbhalang wa ki bru paidbah wow ya mih ha katai ka sngi khnang wow ye u pyndooh jait ya ki kaam wym-man pyrchah yaki khynthai.
Chooh chooh ka seiñ ka dawa ko naka sorkar wa toh u booh smat daka Special Investigation Team wow takit yeitai i jia khnang wow yoh kem wei wow pynchitom ya kitai ki damok katkam ki kyndon aiñ, ong u Comingsoon Dkhar, President HANM East Jaiñtia Hills District.