Jowai: Ka JSU Shillong Circle daw pynman biang ko ya ka “All Jaiñtia Meet-2018” deiwa khut sñiawbha ya waroh ki khon khynroo khyllood ka Ri-loom Jaiñtia kiwa chong wa sah ha sor Shillong wow wan sakhi ki ya ka Futsal Football Tournament nadooh ka 5 tarik hadooh ka 9 tarik Khonchonglad (Nov) ha Polo Artificial Turf wei ha ka sngi khaddooh ka wow man ha ka 10 tarik u jooh u bnai wei daw pynman ya ka yachemlang namo ka Social Meet ha Don Bosco Hall Laitumkhrah, Shillong nadooh 12:00 waje thij.
Ha kani ka sngi daw pynkup burom wei daw e khusnaam kyrpang ya ki khynnah puræ kiwa pass bha wei ya ki khloor yalehke sports ka jylla wa ka Ri India kiwa na ri-loom Jaiñtia.
Kamtæ ka seiñ da khut ko ya waroh ki wow wan chim bynta ha kani ka yakob deiwa phone ha u number 9774750569, 7005264971, 9366401280, 8974982359.
Ka sngi khaddooh wow pdiang ya ki dhab næ team u man ki hadooh ka 2 Khonchonglad.
Ka bai psiah u man ko T. 1500 chi dhab (team) wei kiwa jop u yoh ki T. 15,000 katwa kiwa rem won T. 7000 wei daw pynkup burom leh ya kiwa yalehke samen.
Kiwa yalehke u man ki 7 ngut chiliang wei ka bai psiah (registration) u man ko T. 30 samen wei ka bai pynpsiah ya kiwa yalehke (player) thymme u man ko T. 100 samen.
Ya ki Entry Form ye u yoh na Ashirwad Diary Laitumkhrah, Ribok Snack Bar Diary Laitumkhrah, M.K Stationery Rynjah Opp.Mawrie Complex, Net Link Cyber Cafe Nongthymmai Point wa na Meghalaya Print, Malki Point.
Discussion about this post