Daw pynman ka Raij Tuber ya ka Chaad Sukra wa heh dooh yong ka ri-loom Jaiñtia

Jowai: Ka Seiñ Raij Tuber da pynbna ko wa daw pynman ya ka Chaad Sukra haka 3 tarik u Naitung (April) 2018 nadooh i por 10:00 waje i step ha Khloo Blai Seiñ Raij Tuber, East Jaiñtia Hills District.

Kamtæ da khut sñiawbha ya waroh ki lok ki jor na jan wa na jngai khamtam ya ki para Niamtre waroh hapoh ka bri u Ynñiawtrep Ynñiawskum wow ya wan pynphooh pynphieñ ya kani ka Chaad Sukra kawa pynman man u snem ha chwa wow hiar rep hiar riang cha hali cha lyngkha.

Kani man ko kawi na ki Chaad Sukra kawa heh dooh hapoh ri-loom Jaiñtia kawa kynthup hadooh 29 tylli ki chnong kiwa haap hapoh ka Seiñ Raij Tuber.

Kani toh katkam wa pyntip u Ribun Sana General Secretary ka Seiñ Raij Tuber.