15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Daw pynman ka Seiñ Raij Muthlong yaka Chaad Sukra haka 6 wa 7 tarik

Advertisement ad1
Advertisement ad1
Advertisement ad1

Ka Seiñ Raij Muthlong kamwa jooh pyman man-u-snem ya ka Chaad Sukra, myntu u snem leh daw pynman ya ka ar sngi haka 6 wa 7 tarik uni u bnai ha Madan Biar Nohrong, Thadmuthlong, West Jaiñtia Hills District.

Haka 06-04-2021 daw em ki yalehke kam ka Moopoin, Siat Khnam, Taan Tylle, ki yakob rwai, ka Quiz wa kiwi kiwi ki yalehke. Haka 07-04-2021 daw em ki chaad tynre na waroh ki khon ka Club/Unit wa em hapoh chnong wa kamjooh na ki khon chongbri ka Raij Muthlong.

I yumut kani ka Chaad Sukra man ko kammon wow pynneh pynsah ya ka Dustur ka Riti, ka Niam ka Rukom wa da yoh sikai nadooh ki longchwa manchwa, wei ya kani ka Chaad Sukra ka Seiñ Raij Muthlong da pynman man-u-snem hadien wa ka Seiñ Raij Muthlong da dep ko wow pyndep ya ka Lehniam Knia ya ka Sang Sngi Khlam wa ka Thoh Langdoh wei kamjooh leh da pyndep ya ka Chahthoh Symbe da u Langdoh Kop Kwai waki Wasan Kop Kwai chiruplang wa ki Waheh Sankur wa u Wahehtre.

Ya kani ka Niam daleh hachwa wow hiar rep ya u khoo u kba, u symbe u phniang cha ki pynthor ki hali wei wow e ngooh leh ya ka Bei Rymaw.

Kamtæ ka Seiñ Raij Muthlong da khut da wer ko ya ki Seiñ Raij waphær waphær wow sñiawbha wow wan ya chimbynta lang ha katai ka sngi khnang wa kani ka Chaad Sukra u man ko kawa phooh wa phieñ.

Ini toh katkam wa pynlait khubor da u General Secretary ka Seiñ Raij Muthlong u Kothauni Ymbon.

Share this:
Previous

Palat T. 25,586 klur da e cha ki 1,14,322 tylli ki Account hapoh ka Stand Up India

Next

Wan pyndem ki paidbah palat 300 tylli ki suloi kam chibynta ka Air Gun Surrender Abhiyan ha Arunachal