15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Wan pyndem ki paidbah palat 300 tylli ki suloi kam chibynta ka Air Gun Surrender Abhiyan ha Arunachal

Advertisement ad1
Advertisement ad1

Palat 300 tylli ki suloi Air Gun da wan pyndem ki bru paidbah ha Pasighat, Arunachal Pradesh ynnin ka sngi kam chibynta ka ‘Air Gun Surrender Abhiyan’ kawa sdang daka Department of Forest and Environment ka jylla.

Kiwa chong chnong ka Pasighat da wan ki chakhmat wow yakrehlang hajrong ka thong wow dam noh wow pynyap yaki mrad khloo heiwa ha kani ka sngi da wan wow sakhilang ya ini da u Chief Minister ka jylla u Pema Khandu, u Union MoS for Sports and Youth Affairs u Kiren Rijiju, u Forest & Environment Minister u Mama Natung wa kiwi kiwi.

Yaka yalang da pynman ha Jawaharlal Nehru College Campus.

Neiliang u Khandu da yaroh u yaki padbah wa smat ki wow ya krehlang heipor wa tbian neibhah khlem i ya krehlang ki paidbah, kani ka thong ym man ko kawa jop.

“Nachwa hap lai siat sim, siat doh yow yoh baam, tangwa katni da kylla i por, em i yei baam wa emkaam i,” da ong u Khandu.

“Da yoo i leh i chah ktah ki jhoor, ki kba, ki hali ha ki khñiang neidaw wa da duna ki sim kiwa baam ya kini ki khñiang neidaw wa joor wa chah siat ki,” da ong chooh chooh u Khandu.

Da pynchlur u leh wow dam u myllien u baam yaki mrad khloo yow ye wow pyndooh jait yei pynyap yaki mrad khloo.

Heiyatoh won waka dustur wow lai kdong mrad khloo heipor wa leh yaka ‘Unying Aran’, kawa man ka lympung wa leh da ki jaitbru Adi, u Khandu da khut u ya kiwa da stat da che ki jaitbru Adi wow chong pyrkhat ki wa kammon wow leh ya ini hanla da man ko kawa da leh nadooh ki por warim.

Share this:
Previous

Daw pynman ka Seiñ Raij Muthlong yaka Chaad Sukra haka 6 wa 7 tarik

Next

Thied u tre ka D-Mart ya i yung wa T. 1,001 klur ha Mumbai