15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Daw pynman noh yaka Meghalaya Games ha uni u bnai

0 Comments
Advertisement ad1
Advertisement ad1
Advertisement ad1

U Banteidor Lyngdoh, u montri wa pait yaka chnat Sports & Youth Affairs ka sorkar jylla, da pynsñiaw u yei thmu wa em ka chnat ka yong oo wow kyrchaan ya ka Meghalaya State Olympic Association (MSOA) wow pynman yaka Meghalaya Games 2019-20, neidaw wow yoh u wai laad ya ki khon khynroo khyllood wa em sap ha ki kaam yalehke wow pynmih pyrthai ya ki.

U Banteidor da ong u ya ini hadien ka yalang pyrkhat kaam yong ka Organising Committee, wa man ynne ka sngi ha Secretariat, heiwa da emlang wa ki dkhot ka MSOA, ka Director ka chnat ka W. Booth wa kiwi kiwi.

Chooh chooh da ong u wa hei yong sakhiat ya kani ka lympung da thmu wow pynman ha u bnai Kmaichonglad (Dec) 2019, tangwa na ki daw wym ye u yait, da kyrriah noh cha ka tayaw ka wow wan yong uni u bnai nadooh ka 17 hadooh ka 21 tarik.

Hawa jubab won hawa kylli wa i pynman ya kani ka lympung daw ktah ko ya kiwa boon neibhah wa daw hap yakhun Exam waphær waphær kiwa chimbynta, hajrong ini, u Banteidor da pyntip u wa i booh ya ki sngi wow pynman toh iwa chim rai da ka MSOA, hadien wa da dep wow ya syllok wa ki synjuk yalehke.

U Banteidor da ong u leh wa i pynman ya kani ka lympung toh hadien chiphaw snem kiwa da lai noh.

Ha kane ka kynti, ki yalehke kiwa da thmu wow pynman toh ha ki 14 tylli ki jait yalehke wa kynthup ya ka Archery, Athletics, Badminton, Basketball, Boxing, Billiards & Snooker, Judo, Karate, Shooting, Swimming, Table Tennis, Taekwondo, Tennis wa Wushu.

Ki thaw pynman ya kini ki yalehke toh ha St Anthony’s School, JN Stadium, Polo Ground, U Tirot Sing Indoor Stadium, Shillong Club, Nongthymmai Sports & Cultural Club, Laban Sports Club Indoor Stadium, Assam Regimental Centre wa ha Crinoline Swimming Pool.

Kiwa wan chimbynta waroh ha kini ki yalehke daw kynjoh ko cha ka 1900 ngut.

Ka poisa wa da mang neibynta wow pynman ya kani ka lympung ym duna ko ya ka T. 70 lak.

Share this:
Previous

Daw pynkupburom ka Seiñkur Bahkhla ya ki khon ka kur

Next

Khut ka JARF ya ki MLA ka Ri-loom Jaiñtia cha ka yalang wa kyrpang hajrong u mooyong