15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Khut ka JARF ya ki MLA ka Ri-loom Jaiñtia cha ka yalang wa kyrpang hajrong u mooyong

0 Comments

Ka Jaiñtia Amalgamated Redressal Forum (JARF) da khut ko ya waroh kiwa mihkhmat paidbah namo ki MLA ka Ri-loom Jaiñtia cha ka yalang wa kyrpang wow yaklam hajrong ki phang wa ktah ya ki paidbah ka Ri-loom Jaiñtia.

Ya kani ka yalang wa kyrpang u pynman ha ka 14 tarik uni u bnai heipor 2:00 i sngi ha Orchid Inn, Thadlaskein, West Jaiñtia Hills.

Ka JARF toh ka dhab (Forum) yong ki seiñ waphær waphær wa kynthup nadooh ki Synjuk ki Waheh Shnong-Ri Jaintia, ki weiñbhalang, kiwa mylla, ki warep, ki seiñ wa sikai, ki seiñ yah kari, ki seiñ wa khayi mooyong, kiwa mihkhmat paidbah warim namo ki Ex-MLA, Ex-MDC wa kiwi kiwi.

Ka JARF haka yalang wa pynman ha Tuber Shohshrieh ha ka 09-11-2019 da iwi i yumut da yooluti ko wow thooh ki laad ki luti hajrong ki kaam wa ktah ya ki paidbah ka Ri-loom Jaiñtia.

Ki phang wow yaklam ha kani ka yalang toh kiwa yatoh wa u mooyong wei kini man ki kamni hawah:

I chah khang u tih mooyong nadooh u snem 2014 da ka National Green Tribunal (NGT) hapoh ka jylla iwa da ktah ya waroh ym du ki manyung, ki khynnah skur, ki chnong, ki paidbah wot ya ka District Council wa ka sorkar jylla leh kamjooh.

I pynngat ya ka jylla Meghalaya hapoh ka aiñ Aiñ Mines & Minerals (Development & Regulation) Act, 1957, ka Mineral Concession Rules, 1960, ka Mines Act, 1952, Ka Environment (Protection) Act, 1986 wa kiwi kiwi katkam ki mukotduma wa da yakhun hapoh ka yung bichaar wa khlieh dooh ka ri, ka Supreme Court da ki seiñ wa boon ka jylla.

Ka Scientific Coal Mining Plan yong ka Directorate Mineral Resources (DMR) katkam ka chithi Ref.No.EJHD/CON.52/Det/NGT/Duty/2019/Pt-1/168, Dt:Khliehriat, the 7th February 2020.

Neiliang ka JARF da kyntu ko ya ki MLA wow wan cha kani ka yalang wa kyrpang khnang wow yoh biang ki paidbah ka Ri-loom Jaiñtia u im kamwa jooh man ha ki snem wa dadep.

Previous
Next

0 Comments

Leave a Reply