Nangbah: Ka Dorbar Chnong Nangbah West Jaintia Hills District daw pynman ko ia ka rong E-Iadaw Masi kawa jooh man chisien chisnem kamwa da booh da sein nongrim u warim wajah. Ia kani ka iadaw masi daw pynman ha kani ka 19 tarik u bnai ha Madan Heh Pyngkai iong ka chnong ka wow sdang nadooh 11 waje i step hadooh 5 waje janmiet.
Ka dorbar chnong da khut sniawbha ko ia waroh ki khon ki hajar iong ka Bri u Hynniawtrep Hynniawskum kiwa na jan wa na jngai, chynrang wa kynthai u iawan pynchongchit cha kani ka iadaw masi.
Ha kani ka rong E-Iadaw ka dorbar chnong da khang pyrchah ko u dai kiad ha katai ka sngi kamjooh wa iaki wa wan dei muaid, da kyrpad leh ia ki paidbah u iasnoh kti lang wa ka chnong khnang wa kani ka lehkmen u man ko kawa yophooh yophieng. Lada jia wa chem ia kiwon kiwon kiwa leh pyrchah, ka bor chnong deilang wa ki VDP iong ka chnong daw pynchitom iaki kat kam ka aiñ.
Kamtæ ka dorbar chnong yoluti ko wa da i iawan iong ki paidbah daw pynchong chit wei u pynsniawbha ia ka chnong hi waroh kawi.
Kani man kat kam ka pyllait khubor u ma L.S. Lyngdoh Secretary Dorbar Chnong Nangbah.
Discussion about this post