Jowai: Ka Seiñ Raij Jalaphet (Raij Tuber) East Jaiñtia Hills District ha kani ka 28 tarik uni u bnai daw pynman koya ka Chaad Sukra yong ka ha madan Kdohmuid Lumsashram, Jalaphet ka wow sdang nadooh i por 10 waje i step.
Kani ka Chaad Sukra da leh chisien chi snem wow pyndep ya ka lehkmen leh sniawbha ha chwa wa ki khun ki hajar u hiar rep ki cha ki hali ki lyngkha wow bet ya u symbe u khoo wei wow e ngooh e dem ya ka bei rymaw.
Hei yatoh wa ini ka Seiñ Raij Jalaphet da khut sniawbha ko ya waroh ki khon u Ynñiawtrep wow wan sniawbha ki wow pylliat por khnang wow wan sakhi lang ha ka tai ka sngi Chaad Sukra.
Kani toh katkam wa pyntip u Secretary Sein Raij Jalaphet u P.Chyrmang.
Discussion about this post