Daw pynman ya ka Dorbar Pyllun ka kur Syrti

Jowai : Ka kur Syrti da pyntip ko wa daw pynman ko ya ka Dorbar Pyllun ka wa ar yong ka, ha kani ha 7 tarik uni u bnai heipor 10 waje i step ha chnong Jalaphet, Bri-Sutnga (Urshuni), East Jaiñtia Hills.

Daw pynman leh ya ka pynkhle nasib ha kani ka sngi chwa wow sdang ka dorbar.

Da khut lang ya waroh ki paradoh para snaam wa ki para kur para jait chynrang wa kynthai khynnah wa waheh wow yawan cha kani ka dorbar pyllun khlem pep yow ya tipmit para kur.

U publicity Secretary ka kur u Poli Syrti da ong u wa i yaemlang yong ki khon ka kur daw e mynsien ko ya ki wa kreh ka seiñ kur.