Ka Meghalaya State Skill Development Society (MSSDS), deiwa ya krehlang wa ka Directorate of Employment & Craftsmen Training (DECT) wa kiwa boon ki Company wa e kreh, daw pynman ko ya ka Recruitment Drive ha waroh kawi ka jylla yow yarap ya kitu kiwa thooh kreh hapoh ka ri kamjooh cha baar ri.
Ya kani ka Recruitment Drive daw pynman ka leh ha East Jaiñtia Hills District neibynta ki khynroo khyllood kiwa da biang u yoh kreh yow pait u sylli kiwon ki jait kreh wa ye ki u yoh wei ki jait kreh da em ki palat 10,000 tylli kiwa lait ha kylleiñ ka India wa cha baar ri.
Najrong i pynyoh kreh, daw em leh ki laad wow leh Apprenticeship wa Internship yow yoh laad u tip kammon man manda kreh yow suk hawa yaleh kreh.
Kani ka Recruitment Drive ha East Jaiñtia Hills District daw pynman ha ka 18 tarik u August 2026 (Tuesday) ha ITI Khliehriat Campus, ha ka 19 tarik u August 2026 (Wednesday) ha Latyrke Community Hall wa ha ka 21 tarik u August 2026 (Friday) ha Lumshnong Community Hall.
Kamtæ da pynchlur ya ki khon khynroo kyllood ka East Jaiñtia Hills wow chim kabu ki ya kani ka Recruitment Drive deiwa wan mih ha kitai ki sngi.
Discussion about this post