Hei khaddooh waroh iwa emkaam u yoh bor yow chna pynheh ya ka Shillong Airport da yoh na ka Directorate General of Civil Aviation.
Yeini da pyntip da u Chief Minister, u Conrad Sangma deiwa ong wa i kreh yow chna pyneh toh da em kiwa da sdang hadien wa yoh bor.
Da yooluti u wa i kreh daw pyndep ki ha ki 15 bnai wow wan wei hadien itæ daw ye wow hiar ki lieñsuiñ wa rap heh.
Ha kani ka Airport nadooh nachwa da ye u pynemkaam du ki lieñsuiñ wa khian kam ki ATR-72 kiwa ye u kit du 72-78 ngut wei manda dep u pynjrong yei thaw hiar wei wow pynheh yei thaw pynyieñ ya ki lieñsuiñ, daw ye u hiar da ki lieñsuiñ wa rap heh kam ki A-320, ki A-321, ki B-737 wei kini toh kiwa kit nadooh 160 hadooh 200 ngut ki bru.
Ini i kaam leh toh iwa da em ha ka High Court ka Meghalaya kawa da phah ya waroh kiwa emkti wow ya krehlang ki yow sdang noh yei kreh ya kani ka Airport wa em ha Umroi wei ymtoh u pynslem yei sdang kreh hadien wa ka Directorate General of Civil Aviation (DGCA) da e bor ko.
Ka sorkar Meghalaya leh da pyntip ko wow kyrriah, u pynmadan ko ya waroh iwa pynthut yei lai i wan ki lieñsuiñ nadooh ki dieñ ki loom kiwa tip kam ki Obstacle Limitation Surfaces (OLS) chwa ka 30-09-26.
Discussion about this post