Daw pynman ya ka yachemlang yong ki khon ka kur Kam ha ka 19 tarik

Jowai: Katkam wa pyntip u President ka Seiñkur Kam u Genesis K Kam da pyntip u wa ya ka yachemlang wa chi sien chi snem yong ka kur “Kam” hapoh Ri-loom Jaiñtia daw pynman ha ka 19 tarik uni u bnai ha Moolephaw, Nongjngi ha Madan ka Govt LP Skur Moolephaw heipor 10:00 waje i step.

Ha kani ka yachemlang ki khon ka kur daw pynkup burom ya ki khon ka kur kiwa da pass bha ha ki kyrdan puræ waphær waphær.

I thmu wa kongsan yong kani ka yachemlang toh wow yoh yei sneiñ i kroo na ki waheh yong ka kur wei heijooh i por leh u yaklam wei i pachat yumut hejrong i eh i khoo wa yachem ki khon ka kur.

Kamtæ da kyntu ya waroh ki khon ka kur hapoh ri-loom Jaiñtia wow yawan cha kani ka yalang khlem pep khang wa ini i thmu u man i iwa jop.