15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Ym pu em dooh kyrmen ka sorkar jylla wow pynlait ya ki 15 ngut na ka krem mooyong ha Ksan

0 Comments

Shillong: Ka sorkar jylla da pyntip ko wa ympu sangeh ko wow yaleh u sai ya ki bru kiwa da chah kset ha ka krem mooyong wa em ha Ksan, East Jaiñtia Hills hanlada chem ko yeiwa boon ki eh ki khoo neidaw wa joor ware ka um ha ka krem mooyong.

Hawa yaklam wa u Symbood Montri Rangbah ka jylla u Pretone Tynsong, da ong u wa ka sorkar ympu em pyrkhat ko wow sangeh noh wow thooh ya kiwa chah kset wei ympu em dooh kyrmen ko leh wow pynlait ya ki.

Heiyatoh wa dang pteiñ i tih mooyong pyrchah ya ka aiñ hapoh ka jylla wei i wymye ka sorkar wow khang yeini, u Prestone da ong u wa ymtoh iwa suk ya ka sorkar wow chem ya kiwa leh ya ini kiwa em chapoh khloo wa jngai na ki thaw paidbah.

Neiliang won u Montri wa pait ya ka chnat Disaster Management, u Kyrmen Shylla da ong u wa i thooh laad wow sai ya ki 15 ngut kiwa chah kset dang pteiñ hi i.

U Kyrmen da ong u wa ka sorkar dang pteiñ wow sai ya ka um hadooh katni tangwa ympu chem ya kiwa chah kset neidaw wym sngad de ka um.

Hadooh katni i pynlut ka sorkar toh iwa da kynjoh i da ki phaw lak du wow sai ya ka um wei wow pynemkaam ya ki kor (Pump) wa khlan bor kiwa da wanrah na baar jylla.

Ha i jooh i por da pyntip wa ya ka poisa (Compensation) ya kiwa chah ktah da pynlait cha kiwa ha yung ha sem lyngba ki Deputy Commissioner.

Rap nachwa ka sorkar jooh e ko mar T. 1 lak cha ki manyung yong kiwa chah ktah ha kam kini i jia.

Da ong u wa ka sorkar ympu ye ko u e ya ini neibhah ympu tip wa da khlaad ki namo ym pu em neidaw wa i yaleh wow sai ya kiwa chah kset dang pteiñ hi i.

Previous
Next

0 Comments

Leave a Reply