Ka Lympung wa nyngkong ki khon khynroo ka Seng Khasi Seiñ Raij (ka Sengkhihlang) daw man ko ha ka 04-04-2021 ha Seng Khasi Mawbseiñ, Ri-Bhoi Pyllun wei kani ka Lympung daw sdang ko nadooh i por 10:00 waje i step ha Madan Lympung.
Kamtæ ka seiñ da kyrpaad ko ya phi waroh ki khon ka Bri u Ynñiaw Trep Ynñiaw Skum na ka Ri ki 12 Dolloi wa ki 30 Syiem na ki chnat Seng Khasi wa Seiñ Raij waphær waphær kiwa dang ksoh ya ka Niam Tynre wow sñiawbha phi wow wan cha kani ka Lympung.
Ha kani ka Lympung daw yoh ya ki kyntien sneiñ, kyntien kroo na ki tymmen ki san wa ki Dolloi ki Syiem wei kamjooh na ki President, ki Secretary ki chnat Seng Khasi, Seiñ Raij waphær waphær, wei kamjooh leh daw yoh phi wow yoo ya ki chaad tynre wa da pynkhreh da ki khon khynroo khyllood.
Kamtæ da kyrpaad leh ya phi ki khon ka Bri U Ynñiaw Trep Ynñiaw Skum kiwa wan wow ya chimbynta ha kani ka Lympung wa toh u deiñ phi ya ki Face Mask, wow sait kti wei kamjooh leh wow ya chong jngai uwi na uwi wei wow burom ya ki kyndon sorkar.
