U District Sports Officer ka West Jaiñtia Hills District da pyntip u wa daw pynman yaka lehkmen National Youth Day hapoh ka District haka 12 tarik uni u bnai ha Kiang Nangbah Indoor Stadium, Dongmihsngi, Jowai nadooh 12 waje pyrdi sngi.
Ha kani ka sngi daw yaklam leh hajrong kammon wow yait na i dih drugs, chaphang ki baam wa tei wa i chait i tram i pyrkhat pyrdaiñ.
Ki bru chemphang kiwa daw wan e yei klam toh kiwa naka chnat i chait i khiah wa naka Social Welfare Department.
Ya kani ka lehkmen da pynman kyrpang ya kiwa yalehke Sports wa ki khynnah skur kiwa da chah khut sñiawbha.
