Ka North East Adventist University Khliehtyrshi, lyngba ka Department of Physiotherapy ha ka 25 tarik uni u bnai daw pynman ko yei e sumaar mynkna næ Free Health Camp neibynta u pait bniah yei kjut khlieh namo i Cervicogenic Headache ha Maia Multispeciality Clinic, Lad Sutnga Khliehriat.
Kani ka kjut Cervicogenic Headache toh i kjut khlieh wa jia neidaw u thied rdang wei da em boon bha kiwa yoh ka katni, i daw ye u man nei pynemkaam Mobile Phone da boon kynta, i khih kreh deiwa chong bait man-ka-sngi, kiwa yah kari jngai wa kiwi.
Kamtæ da khut kyntu ya kiwa em i kjut khlieh wow sñiawbha ki u wan yow Check Up, wei ya kiwa em ini i kjut Cervicogenic Headache daw e sumaar ya ki najrong wa daw batai leh kammon u pna sumar ki ha yung.
Lada chem won wa i kjut khlieh i wym toh ka Cervicogenic Headache, daw phah yachem næ phah paitbniah ha kiwi won ki Doctor wa daw em ha kani ka sngi.
Ki Doctor wa daw em toh ka Dr. Junita Kyndait (Neuro Physiotherapist), u Dr. Hormot Pyngrope (Ortho & Sports Physiotherapist). Neitæ u Dr. Nichwa LS Nongtdu, MD, MBBS wa u Dr. Robert John Nongtdu, MBBS.
I por wow sdang kani ka Free Health Camp toh nadooh 10:00 waje i step hadooh 3:00 waje i janmiet.
Discussion about this post