Kiwa kyrchaan ya ka Public Hearing ka Shree Cement ynne hawa yaklam wa kiwa thoh khubor da khana ki wa da e ki yei kyrchaan neidaw wa ka Elaka Nongkhlieh da pdiang ko yei wan kani ka karkhana.
Uwi uwa na Moolasngi uwa da e yei kyrchaan, da ong u wa heipor wa pynman ya ka dorbar ka Elaka, waroh da ya rah kti ki wow pdiang ya kani ka Shree Cement yow wanrah ko yei roi i paar wa i khih i khan.
Kawi won kawa na Bamkhoosngi leh da ong ko wa da kyrchaan ko kamwa da rai ka Elaka Nongkhlieh heiwa da ong cha ki wa kiwon kiwon ki khon ki kiwa da stat da tip, kiwa da puræ puthi u yoh khih yoh khan ki.
Uwi won uwa na Chnong Thymme da ong u wa kamwa da rah kti wow kyrchaan hapoh ka dorbar ka Elaka Nongkhlieh, oo leh da kyrchaan neibynta wow yoh khih yoh jaam ki khynroo khyllood.
Kawi ka manbei da ong ko wa da kyrchaan ko ya kani ka karkhana Cement deiwa emkaaam u em ka soskular heiwa ki khon ki kti ki hap u e kreh ya ki ymtoh wow chah iehbeiñ ki.
Kawi won ka men da ong ko wa i daw wa kyrchaan ko toh kamwa da kyrchaan u Dolloi deilang ka Elaka wei daw yoh myntoi ki khon ki ksu deiwa yoh kreh ki wei yeitæ iwa sih ym tip ko wei lada kwah u pyndam ka leh ym ye hi.
Kawi ka manbei na Moolasngi da ong ko wa da pyrkhat ya ka pateiñ neibhah i dooh kattæ toh iwa chyrkhei kamtæ da emkaam wow myntoi ki khon ki kti mynrien mankawi.
Discussion about this post