15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Daw pynthymme ya kiwa kitkaam ka KSU-JHDU wa ka KSU-NKHDU

0 Comments

Jowai: Ka Election Committee kawa thung da ka Central Executive Council yong ka Khasi Students’ Union (KSU) da pynbna ki wa daw pynman ya ka Election wow jied ya kiwa kitkaam wa thymme yong ka KSU Jaiñtia Hills District Unit wa ka KSU North Khasi Hills District Unit neibynta ka samoi krehkaam 2018-2021.

Neibynta ka KSU Jaiñtia Hills District Unit u pynman Election ha ka 02 tarik Naiynru 2018 hapoh District Library Auditorium, Mynthong, Jowai. I por wow thap Vote man ko nadooh ka 10 waje i step hadooh 3 waje janmiet.

Ya ki Nomination Form ye u yoh na u Garland Manar (Office Secretary, KSU JHDU) nadooh ka 26 tarik uni u bnai nadooh 10 waje i step hadooh ka 4 waje i janmiet. Ya kini ki Form u pdiang khaddooh ha ka 30 tarik uni u bnai hadooh i por 5 waje i janmiet. Ya ka Scrutiny u pynman ha ka 31 tarik uni u bnai nadooh i por 10 waje i step hadooh 3 waje janmiet ha yungkrehkaam ka KSU JHDU.

Kamtæ da kyrpaad ya waroh ki Circle wa ki Unit kiwa haap hapoh ka KSU Jaiñtia Hills District Unit wow phah noh ki ya ki 10 tylli ki pyrtuid yong ki dkhot ki wow chimbynta hei wow jied ya kiwa kitkaam ka KSU JHDU.

Neibynta ka KSU North Khasi Hills District Unit won u pynman ha ka 16 Naiynru 2018 hapoh Dorbar Hall, Nongpoh heiwa ka thap Vote u sdang ko nadooh i por 10 waje i step hadooh 3 waje janmiet.

Ya ki Nomination Form u saam nadooh ka 25 tarik uni u bnai hadooh ka 9 Naiynru 2018. Ya ki Form wa da dep pyndap u pdiang khaddooh ha ka 9 Naiynru 2018 ha namo chwa ka 3 waje janmiet.

Ya ka Scrutiny u pynman ha ka 11 Naiynru 2018 ha yungkrehkaam ka seiñ ha Mawdiangum nadooh i por chi waje i sngi hadooh 5 waje janmiet. Ya ki Nomination Forms ye u yoh na kani ka yungkrehkaam ka seiñ.

Kamtæ da kyntu ya waroh ki Circle wa ki Unit kiwa haap hapoh ka KSU NKHDU wow phah ki ya ki 10 tylli ki pyrtuid ki wow chimbynta wow jied ya kiwa kitkaam wa thymme ka KSU NKHDU ha namo chwa yong ka 11 Naiynru 2018 chwa ka chi waje i sngi.

Previous
Next

0 Comments

Leave a Reply