15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Wan yalap sa u symbood montri rangbah ka Manipur ya u Clement G. Momin

0 Comments
Advertisement ad1

Jowai: U symbood montri rangbah ka jylla Manipur, u Yumnam Joykumar Singh chirup wa u montri ka tnat Sports and Youth Affairs ka jylla Manipur, u Letpao Haokip ynne da lai yalap ki neibynta u kyrtong ka NPP na Ampati u Clement G. Momin.

U Singh wa u Haokip da synraan da u Chief Advisor to Chief Minister of Meghalaya u Thomas Sangma wa u State Working President ka NPP, u S.B. Sangma kiwa da yalap ya kiwa kitkaam wa kiwa kreh yong ka Party wa em ha chnong Latri wa Sonabil wa em hapoh ka Ampati Constituency.

Advertisement ad1

“U Mukul Sangma wa ka Congress ym jooh em pait ki yeiwa emkamam ki paidbah namo ya ka mynried ka Ampati Constituency. Ha i naam yong i roi i paar da chna ya ki sarok hapoh ka Constituency katwa i puræ puthi won dang man i iwa duna bha hapoh kani ka Constituency wa ka South West Garo Hills man ko kawa dooh bha,” da ong u Yumnam Joykumar Singh.

U Haokip da ong u wa kani ka By-election ha Ampati Constituency man ko kawa kongsang bha ya ka NPP, kawa em 20 ngut ki MLA hapoh ka State Assembly. “Lada ki paidbah ka Ampati e ki ya i wow man i kam kiwa jop ha kani ka kynti daw man i ka party kawa boon MLA dooh hapoh ka Meghalaya. Ka NPP toh ka party wa thymme wei da soohthied ko ha ka jylla wa ka thaiñ mihsngi wei u pteiñ ko wow kreh neibynta ki paidbah wa ya ka mynried”.

Da yaroh u leh ya u montri rangbah ka Meghalaya, u Conrad K. Sangma wa man u u montri rangbah wa chemphang wa uwa pliah wow pyndep ya ki kaam yong oo.

Share this:
Previous

Daw pynthymme ya kiwa kitkaam ka KSU-JHDU wa ka KSU-NKHDU

Next

Jop ka Newhill waka Rising Star ynne ha ka Lion 5 Knockout Football Tournament 2018