Daw pyntip ka BJP cha ka sorkar pyrdi yei kreh tangdep yaka ISBT

Kiwa yahkhmat ka BJP ha Meghalaya kiwa man ki dkhot ka Central Scheme Monitoring Committee (CSMC) hapoh i yahkhmat u AL Hek ynne ka sngi da lai pait ki yaka Inter State Bus Terminus (ISBT), kawa em ha Mawlai Mawiong.

Ini i lai pait ki dkhot ka BJP toh hadien wa mih boon ki pynbaad hawa yatoh wa i chna ya katai ka ISBT, neibhah nei joor u slap ha kini ki sngi wa da dep da chem wa katai ka yung ka ISBT da pai um ko wei da em leh kiwa piah wa kaad ki bynta ki chram wei da em leh i siang da ki phong wa ki jri napoh yong i khyndaw-bilat.

Hawa klam cha ki laad pathai khubor, u AL Hek uwa man u Montri warim ka sorkar da ong u wa i lai yong ka Monitoring Committee toh neibynta i chngaaiñ ki paidbah, khamtam hadien wa da yoh chiboon ki ujor na ki paidbah.

Da ong u wa neiliang ka Committee daw thoh ko cha ka sorkar pyrdi yow pyntip cha ka North Eastern Council hajrong i chem na kani ka lai sylli. Hawa kylli, u Hek da ong u wa toh u em ka takit hajrong i pynbaad wa kreh tangdep ya katai ka thaw.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ya ka ISBT ha Mawiong da kyrchaan poisa da ka North Eastern Council waka State Transport Department wei da pynkreh da ka chnat Public Works Department hei lut wa T. 48 klur.

Ya kani ka kreh da mang tangka nadooh u snem 2013, wei ha kani ka thaw ye wow pynpsiah hadooh kamwa 150-200 tylli ki Bus.

Puræ leh: Lada pynchitom hap leh ya ki sahep sorkar yei chna tangdep ya ka ISBT ym toh ya u Contractor: Prestone