Daw pynyieñ kyrtong ka BJP ha waroh ki 60 tylli ki Constituency hapoh ka jylla

Shillong: Ka Bharatya Janata Party (BJP) da pynbna ko wa daw pynyieñ kyrtong ko ha waroh 60 tylli ki Constituency ha kani ka Election MLA ka wow wan ha ka jylla.

Hawa yaklam wa kiwa pathai khubor ynne ka sngi u Chairman ka Election Campaign Committee, u AL Hek da ong u wa ka BJP da man ko kawa da pynkhreh wow yakhun ya ka Election wei daw yahkhmat ko ya ka sorkar ha kani ka jylla hadien ka Election.

Da ong u leh wa ka BJP daw lai ko cha waroh ki District ka jylla wow pyntikna wa waroh ki kyrtong ka Party daw jop ki.

Chooh chooh da ong u wa ha ka yalap Election ka BJP daw wanrah ko ya ki heh ka party na Delhi wa ki jylla wa yajan kiwa kynthup ya u President, u Amit Shah wa u Montri Rangbahdooh, u Narendra Modi wei kini kiwa mihkhmat daw lai yalap ki ha ri-loom Khasi, Jaiñtia wa Garo.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Hei yatoh wa i chah pynbaad ka BJP man ko ka party kawa chongchit niam u Hek da kyntait u yeini deiwa ong wa kam kini ki chah pynbaad da jia i ha kylleiñ ka pyrthai neibhah wa em ki bru kiwa thmu wow wanrah ya i pynsñiawthooh bakla wow tympiah tympra ya ki paidbah.

Hawa jubab won wa lada dadep rai namo ym em ya ki kyrtong wow chimkti ya ka chuki kam u Montri Rangbah, u Hek da ong u wa kani chong ko ha ka rai yong kiwa ha khlieh ka party.

Katwa neiliang u Sanbor Shullai won da kyntu u ya ki padibah wow elaad ya ka BJP wow chna ko ya ka sorkar ha kani ka jylla.