Daw pynyoo paidbah yeiwa chem i takit hajrong i chah pynbaad ka MeECL: Prestone 

U Symbood Montri Rangbah ka jylla, u Prestone Tynsong ynne da pyntip u wa ka sorkar dang puræ bniah ko ya ka bui takit wa laitlooid wa leh da ka Independent Inquiry Committee hajrong i pynbaad baam-tooh ha Meghalaya Energy Corporation Limited (MeECL).

“Daw em ka yalang wa ki sahep ka sorkar wow puræ bniah ya kani ka bui wei du hadien itæ wa daw ye u ong iwon iwon hajrong i chem ka takit,” da ong u Prestone uwa man leh u Montri ka chnat Bordiñ.

Da kular u leh wa ka sorkar jylla daw yaleh ko katwa ye wow pynbiang yeiwa trywa ka Committee.

U Prestone da kular u leh wow khana bniah hajrong i chem ka takit ha u bnai wow wan wei ya ini daw wanrah leh ha ka Dorbar Chna Aiñ ka jylla weiwa daw booh leh ya ka bui neibynta u yoo ki paidbah.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Kam wow kdaw heini ka takit wa laitlooid ya kawa da leh da ka Inquiry Committee ha ka 29 Naiynñiaw u snem wa dadep wa khlieh da u (Rtd) Justice RN Mishra da ekti ko ya ka ha u Montri Rangbah ka jylla, u Conrad K. Sangma ha ka 29 Wisu uni u snem.

Ka takit toh u puræ bniah ko ya i thied tiar, ka AT&C Losses namo i dooh nong, i rukom krehkaam ka MeECL wa ki chnat yong ka kam ka Meghalaya Power Generation Corporation Ltd (MPPGCL), kla Meghalaya Power Transmission Corporation Ltd (MePTCL), ka Meghalaya Power Distribution Corporation Ltd (MePDCL), i rukom thung kreh wa kiwi kiwi.