Shillong: Ka National Commission for Scheduled Tribes (NCST) da ong ko wa daw pyrchah ko ya i thmu yong ka sorkar India khamtam ka sorkar wa yahkhmat da ka BJP wow pynkrehkaam ya ka Citizenship Amendment Bill, 2016 ha ka thaaiñ mihsngi wei yeini da ong da u Chairman ka NCST, u Nand Kumar Sai ha nongbah Shillong.
U Nand Kumar Sai da ong u wa ka thaaiñ mihsngi toh ka thaw ri-loom wei lada wan da kiwi tawon ki jaitbru na baar daw wanrah ko i eh i khoo ya ki tre chnong hajrong wa da chem chitom ki nei wan kiwa na baar.
Da ong u wa lada e laad ya ka CAB wow pynkrehkaam ha kani ka thaaiñ daw wanrah ko hei maa wa khroo ya ki ri-loom kiwa dang khian paaid neibhah daw chah knieh lut i hok yong ki.
U Sai da ong u leh wa ka NCST daw chim ko ya ka bynta wa khroo wow pynsñiaw cha ka sorkar pyrdi wow dam u pynkrehkaam ya ka CAB ha kani ka thaaiñ wei ini man i iwa kongsan wow pynsñiaw yei pyrchah ya kani ka Bill.
Discussion about this post