15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Daw pyrchang u pynpoi um salonsar ha Jowai : EE, PHE

0 Comments
Advertisement ad1

Jowai : Hadien wa da yoh ya ki ujor na kiwa boon ki paidbah ka chnong Jowai da kynnoh wa i rukom saam um ka tnat Public Health Engineering (PHE) ym em man i iwa salonsar. Ki paidbah da kynnoh ki wa ha kiwa boon ki bynta ka chnong Jowai yoh um ki du 2-3 borti tangwa em ki thaw won mih ka um aw jan waroh chisngi kam ka um sorkari kawa mih ha Lad Mission Hospital, Moosalyngkat.

chlai-um1

Advertisement ad1

Hei yatoh wa ini neiliang u Wyrta yow yoh i che wa rap bniah ynne ka sngi da lai yachem ko wa u Executive Engineer ka PHE (Electrical Division) u bah C. Marngar heiwa da pynche u hei yatoh wa ini.

Neiliang u bah Marngar da pyntip u wa kam kini jooh jia bha i khamtam ha ki por tlang wa ki por pyrhaw heiwa duna ka um wa ye ki u saam. Da ong u leh wa ini leh ye i u man neidaw wa em ki thaw em ki hajrong loom katwa em won kiwa em hatre loom weiwa ye leh u man wa em ki yung jngai ki na ka top wa pyllang um ka tnat chwa wow saam ya ka tæ ye u man leh na ini i daw wa ym biang i rukom yoh um ki paidbah ha chnong Jowai.

Katkam wa man katni ka bhah wa toh u yoh uwi pa uwi u bru ha chnong Jowi katkam wa da booh da ki bor sorkar man ko 70 liter samen ha ka chi sngi weiwa da saam ya ka um katkam i rukom em ki bru ha ka chnong Jowai.

Heijooh i por neiliang u bah Marngar da kular u leh wa ka tnat daw chimkhia ko heiwow pyntikna i yoh bhah ki paidbah ya ka um deiwa salonsar ha chnong Jowai.

Share this:
Previous

Mynstep u pynman ya ka Dorbar Elaka Jowai

Next

Khut sñiawbha ka Jalapang Sports Club cha ka Semifinal ka Football Tournament