Ka Department of Telecommunications (DoT) deiwa ya krehlang waka National Disaster Management Authority daw pynkreh ki ya ka Cell Broadcast Alert System kam chibynta wow pyrchang donhi yow pait yei krehkaam ki laad e Wyrta paidbah heipor wa jia wa pynyoo bor ka bei rym-aw yow ye u pyntikna wa ki bru man ki kiwa da pynkhreh yow ye ki u yut u rieh.
Kani ka Cell Broadcast Alert System u leh ka lyngba ki Telecom Service Provider namo ki Mobile Network wei yeini daw pyrchang ha waroh kawi ka ri yow pait hadooh katwon krehkaam ki wei yow tip leh lada em i tlot heini heitai.
Ka Cell Broadcast Alert System toh kawa da chna katkam ka juk wa katni kawa ye wow phah Wyrta ha ki por wa emkaam cha ki Mobile Phone ki bru wa kynthup cha ki tre chnong wa cha kitu kiwa wan uiñke suwari.
Ini daw pyntikna wa waroh ki bru u tip chwa ki heipor wa biang lada daw wan ka chlai um, yow yoh yarap heipor wa khih khmi, yow tip ki sarok wow pynemkaam yow yut wa kiwi kiwi de kiwa daw yarap ya ki bru yow lait ki nei mynsoo.
Ha kani ka por wa pyrchang namo ka Testing Period, ki paidbah daw yoh ki ya ka Wyrta namo ki Emergency Alert ha ki Mobile Phone ki wei neiliang ka DoT kwah ko wow ong wa ini toh du kam wow pyrchang donhi wei ymtoh wa em iwa jia sakhiat.
Chooh chooh da ong wa manda poi kini daw thoh che wa ini toh i pyrchang donhi namo ka Test Message yow lait u kulmar, u tieñ wei wow hær rngu ki bru.
Neibynta ka jylla Meghalaya yeini daw leh ha ka 30-10-23 yow tip hadooh katwon krehkaam kani ka Cell Broadcast System wei ka tarik ye leh u pynkylla lada jia wa em i wym ye u kiar.
Discussion about this post