Daw pyrkhat ka Nagaland yei Vande Mataram wa ki paidbah katkam ka Article 371(A)

I kaam wa yatoh wei emkaam wow rwai yei Vande Mataram ynne da poi i ha ka Zero Hour ha ka dorbar ka Nagaland Legislative Assembly, katwa i yakhih ka NSF dang pteiñ i wow pyrchah ya ini i rwai.

U Achumbemo Kikon, hawa e i klam da ong u wa ka sorkar jylla ka Nagaland da chimkhia ko yeini ha ka dorbar wa dadep wei da em leh i ap yei sñiawkhia yong ki paidbah.

ADVERTISEMENT

Da kdaw u wa da em ka Committee wa da chna wa khlieh da u Parliamentary Affairs Minister, u K.G. Kenye wow pyrkhat heiyatoh wa i krehkaam ki aiñ ka Parliament ha Nagaland katkam ka Article 371(A) ka Constitution ka ri.

Katkam ka Article 371(A) da e bor kyrpang ya ka Nagaland wa ki paidbah yong ka wow kyntait ya ki aiñ namo ki kyndon wa pdiang ka Parliament ka ri iwa kynthup nadooh ka niam, ka rukom im, i pynchitom wa kiwi.

Related posts

Khana ka Hima Sutnga Youth Federation hakhmat ka Fact-Finding Committee yeiwa jia heipor wa pynman ya ka Public Hearing ka Shree Cement

October 16, 2026

Dadep yoh bor na ki dorbar chnong chwa wow sdang yei kreh ya ka Ropeway Project ha Shillong

October 16, 2026

Chwa ini, u Kenye da kyntu u ya ka Naga Students’ Federation (NSF) wow pyndam yei yakhih neibhah wa da seiñ ya ka Committee wei wow ksoh chwa ya ka Report iwa chem ka Committee deiwa pyrkhat ya ka Prevention of Insults to National Honour (Amendment) Bill, 2026 ya kawa dang yang ya ka Gazette Notification, weiwa daw pyrkhat biang yeini wa i sñiaw ki paidbah ka Nagaland.

Kamtæ da rai wow pyrkhat biang ya ini waroh sa chisien.