U Chief Minister ka jylla, u Conrad K Sangma da pynbna u wa ka sorkar daw sdang ko ya ka Civil Aviation Wing ka wow em hapoh ka chnat Transport wow pait ya ki kaam lieñsuiñ ha ka jylla.
Ya ini da rai ka Cabinet ynnin ka sngi.
Da ong u wa ka jylla da sakhi ko yei ku ha ki kaam lieñsuiñ, nadooh i pynheh ya ka luti (Runway) ha Umroi Airport, wei wow pynkhai im ya ka Baljek Airport wa i chna ya ki Heliport.
Da pyntip u leh wa daw sdang ya ka Helicopter Tourism.
U Chief Minister, da ong u wa kani ka Wing daw em ko ya ki sahep wa kiwa kreh wa yatoh du wa ki kaam lieñsuiñ.
Heiyatoh wa ki Heliport, u Conrad da ong u wa ka Shillong wa Tura dadep Sanction poisa wei i pynkhreh neibynta ki le thaw wa kynthup ya ka Sohra leh daw sdang noh i.
Discussion about this post