Daw sdang ya ki ar tylli ki Scheme saam um hapoh ka Nongkrem Constituency

Shillong: U montri ka chnat PHE, u Samlin Malniang chirup wa u MLA uwa man leh u Chairman Meghalaya State Planning Board, u Lambor Malniang ynne da booh ki ya ar tylli ki mooyurim wow chna ya ki Scheme saam um namo Water Supply Scheme neibynta ki chnong wa haap hapoh ka Nongkrem Constituency, ka Umiew Pomlakrai wa Mawpynthih. 

Kini ki Scheme toh kiwa hapoh ka Jal Jivan Mission (JJM) ka yong ka sorkar pyrdi wow pynpoi umdih cha waroh ki manyung ha ki thaw palatsor chwa u 2024.

Neibynta kini ki Scheme, da mang wow pynlait T. 3.73 klur neibynta ka Umiew Pomlakrai wa T. 10.28 klur ya ka Mawpynthih.

U Samlin hawa e i klam da ong u wa ka um man ko kawa khroo neibynta ki bru kamtæ emkaam wow yada ya ki khloo wow pynneh ya ki thaw wa mih um. 

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Da ong u leh wa i sdang ya ka Jal Jeevan Mission Scheme ha ka jylla daw myntoi bha i ya ki paidbah deiwa kyntu ya ki Dorbar Chnong wa ki paidbah wow krehlang ki khnang wow ye u pyndep ya i kreh yong kini ki Scheme. 

U Lambor da kdaw u wa boon ki chnong ha Nongkrem Constituency da chah iehbeiñ ki waroh chi kattu kamtæ i pynkrehkaam ya kini ki Scheme daw yarap bha i ya ki paidbah ka Umiew Pomlakrai wa Mawpynthih. 

Da ong u wa hajrong kani ka scheme, daw chna leh ya u sarok wa e yarap da ka World Bank uwa T. 33 klur. 

Ya ka Jal Jeevan Mission hapoh jylla daw pynkrehkaam da ka chnat PHE nadooh wa sdang u 2020-2021 hadooh u 2023-24 heiwa waroh ki manyung u yoh umkor ki.

Ha kani ka sngi da emlang ki sahep ka chnat PHE kam u Additional CE, ki Rangbah Shnong, ki dkhot ka Executive Committee ki Dorbar Chnong ka Umiew Pomlakrai wa Mawpynthih.