Ynne ka sngi da pynman ya ka yalang u kyrtong ka TMC na 2-Jowai Constituency, u Awhai Andrew Shullai ha Iawmusiang wei da yoh leh u yaklam wa u heh ka TMC uwa man leh u Parliamentary Secretary ka Party kamjooh leh u MP ka Rajya Sabha, u Derek O’Brien.
Hawa kylli na oo hajrong i klam u Symbood Montri Rangbah ka jylla wa ka TMC daw tynyap ko ya ka soskular namo ka MoU wa da soi heiyatoh wa i pynbait pood hapyrdi ka Meghalaya wa ka Assam.
Neiliang u Derek da pynskem u yeini wa ka TMC manda poi ko hei bor daw tynyap ko ya kani ka soskular.
Da ong u leh wa katni ka TMC ym em ko ha ka sorkar tangwa hadien ka 2 tarik u Wisu daw ye u klam hajrong ini waroh.
