Jowai: Ka seiñ Hynniewtrep Achik National Movement (HANM), ha ka khubor wa da pynlait da u General Secretary ka seiñ u Damonmi S Dkhar, da ong wa ka seiñ da pynkhreh ko chaaid chaaid ya ki kot ki sla wow ujor cha yung bichaar ya ki le tylli ki thaw khrong dan ka Jaintia Hills Autonomous District Council (JHADC), lyngba ka tnat khloo (Forest) kiwa em ha Shangpung, Nartiang wa ha Lumkya.
Ya kini ki le tylli ki thaw khrong dan ka seiñ da dep tih bniah ko da ka RTI wei ymtoh ki thaw khrong dan, tangwa kini man ki tang ki nongpait yei psiah i mih ki dieñ ki siej yong ka working scheme kawa e bor ya ka District Council wow pynlai ya ki dieñ katkam ka kyndon yong ka yung bichaar High Court.
Kiwa kreh ka tnat Forest JHADC da chim kabu ki na ki paidbah deiwa khrong dan ya ki dieñ ki siej ki moo ki chyiap wa ki mar rep leh, kani da ktah ko ya i yoh kiwa dooh wa duk ka thaiñ.
“Ya kini ki mat ka seiñ HANM da jooh yaklam ko neipor cheipor wa ki heh yong ka Forest Department ryngkat u CEM tangwa ym yoo wa chimkhia ki ya ini i yaklam, dei wym yohsa ka seiñ daw lai ko chakhmat wow ujor noh cha ka yung bichaar khnang wa ki paidbah u yoh ki yei hok yong ki” da ong u Damonmi S Dkhar.
Discussion about this post