Daw wai pynemwarom ka Seiñ Raij Tuber ya u Motdur u Woh Tep Kyndait

Ka Seiñ Raij Tuber lyngba ka Wyrta wa da phah da u R. Harvis Phawa, President wa u General Secretary, u Jolby Sana da pyntip ki wa daw wai pynemwarom ya u Motdur yong u Woh Tep Kyndait uwa man u Maar yong ka Raij Tuber heijooh i por uwa man leh u Khlawait yong ka Ri Loom Jaiñtia ha ka 17 tarik uni u bnai ha Tuber Kmai Chnong hajan u Mot u Woh Tep heipor 10:00 waje i step. 

Ha kani ka sngi man wai pynemwarom ya u Motdur yong u Woh Tep, heijooh i por da man ko leh ka lyngkhooh sngi yap wa 355 snem yong u Woh Tep uwa da chah tynyap ha u Syiem ka Hima Jaiñtia ha ka 17 Duyatra (Jan) 1669.

U Woh Tep Kyndait man u u bru wa em warom wei em i mynsien maya jaitbru wei man u leh u bru wa satar wei i mynsien wa chlur wow yieñ yaleh ya ki bru wa na baar kiwa wan thombor næ lehbor ya ka jait ka kynja ki khon ki rayot yong oo kamjooh yaka thaaiñ Pnar hi waroh kawi.

Kani ka sngi man ko ka sngi wa khroo wa kyntang, ka sngi wow sah kynmoo yanom rta ya waroh ki khon ka Bri u Ynñiawtrep Ynñiawskum khamtam ya ki khon ka Raij Tuber. Katwa kamtæ da kyrpaad ya ki paidbah wow sñiawbha wow chim ya kani ka kabu ksiar deiwa pynlait chynnam phi wow yawan lang ha kani ka sngi ka wym yoh boonsien.

Related posts

Daw pynman ya ka General Meeting wa nyngkong ka Kur Sumer Pyllun ha Amlarem

November 23, 2024

Dei kreh yonglang pynkhreh ka Seiñ Raij Raliang ya ka Kopati Puja

November 17, 2024

U kongsan yong katai ka sngi toh u Sñiawbhalang Dhar uwa man u Symbood Montri Rangbah ka sorkar Meghalaya, u Kyrmen Shylla kam u symbood kongsan uwa man leh u Montri sorkar jylla. Daw emlang leh u Wailadmiki Shylla u MLA ka Jowai kam u Special Guest, chirup u Lasky Rymbai uwa man u Deputy Chief Executive Member ka JHADC, u Lakhon Dkhar u EM ka JHADC, u Dolloi ka Elaka Jowai, u Puramon Kynjing, u Dolloi ka Elaka Shangpung u Chanki Langbang wa kiwi kiwi ki bru paawkhmat yong ka Ri Loom Jaiñtia. 

Ha kani ka sngi daw yoh wow sñiaw yei khana parom chaphang u Woh Tep Kyndait deilang ki chaad tynre.

Katwa kamtæ lyngba kani ka Wyrta dei mynsien wa sñiaw burom wei sñiaw maya khut sñiawbha ya phi ki lok ki jor, ki kha ki man, najan wei najngai khamtam cha waroh ki Secretary wa Chairman yong ki Seiñ Raij Chnong hapoh ka Raij Tuber wow sñiawbha phi wow pyntip lang cha ki paidbah hapoh ka Seiñ Raij Chnong yong phi. 

Da khut sñiawbha ya waroh ki President, Secretary yong ki Raij waphær waphær hapoh ka Ri 12-Dolloi 30-Syiem, hapoh ka Bri u Ynñiawtrep Ynñiawskum kamjooh ki seiñ kreh monsñiawbha.