Jowai: U montri ka sorkar pyrdi wa pait ya ka Road Transport & Highways, Shipping, Water Resources, River Development and Ganga Rejuvenation u Nitin Gadkari daw wan u cha Shillong ha ka 24 wa 25 tarik uni u bnai yow booddien ya i kreh ya ki sarokbah namo ki National Highways ha ki ynñiaw tylli ki jylla ka thaaiñ mihsngi.
Ha ini i wan daw yachem u wa ki montri sorkar, ki sahep, ki Contractor wa kiwi kiwi.
Ki sarokbah wa dang chna hapoh ki jylla ka thaaiñ mihsngi em ki palat T. 1.5 lak klur heiwa u Gadkari daw booddien u ya ki waroh ha ka yalang wow emlang ki montri rangbah, ki montri PWD, ki heh na ka Road Transport & Highways Ministry, National Highways Authority of India (NHAI), National Highways Infrastructure Development Corporation (NHIDCL) wa kiwi kiwi kiwi.
U Gadkari daw pynbna u wa da wai ya u sarok 102 km Jowai-Ratacherra yong u NH-6 ha Meghalaya ha ka yalang wow pynman ha State Convention Centre, Bishop Cotton Road in Shillong ha ka 24 tarik heiwa daw emlang u montri rangbah ka jylla u Conrad Sangma.
Uni u sarok toh uwa chong dor T. 683 klur, i wow pynduna yei por lai na Jowai wa Ratacherra da 2.5 kynta na ka 4 kynta.
Deiwa em uni u sarok daw yarap ko wow pynku ya ka khayi pateiñ wa ka Barak Valley wa kiwi ki chnong heiwa daw em ar tylli ki Toll Plaza, 17 tylli ki Bus Shelter, 2 tylli ki Highway Patrol wa 2 tylli ki Ambulance, wa kiwi kiwi.
(Feature Image-File Photo)
Discussion about this post